Mae The Studio gan Pablo Picasso a Snow Storm gan JMW Turner ymysg y paentiadau, y cerfluniau, y cerameg a’r gwaith celf arall a fydd ar gael i’r cyhoedd eu gweld o ddydd Sadwrn 15 Hydref.
Bydd y ddau ddarn o waith ymysg nifer o weithiau celf yn Oriel Gelf Glynn Vivian sydd wedi’i hailddatblygu a’i adnewyddu, sydd wedi’i chadw’n gelfydd a’i thrawsnewid yn atyniad sy’n addas i ymwelwyr yr 21ain ganrif.
Mae eu harddangos o ganlyniad i statws Glynn Vivian fel partner yn Plus Tate – menter celf ar y cyd o bwys gydag Oriel enwog Tate yn Llundain.
Ariannwyd y prosiect ailddatblygu ac adfer gwerth miliynau o bunnoedd yn y Glynn Vivian gan Gyngor Celfyddydau Cymru, Cyngor Abertawe, Llywodraeth Cymru a Chronfa Dreftadaeth y Loteri. Sicrhawyd arian hefyd trwy gynllun grant y Rhaglen Gwella Adeiladau sy’n cael ei gynnal gan Gyngor Abertawe a’i ariannu gan Gronfa Datblygu Rhanbarthol Ewrop.
Meddai’r Cyng. Robert Francis-Davies, Aelod Cabinet Cyngor Abertawe dros Fenter, Datblygu ac Adfywio, “Mae’n wych y bydd gwaith gan artistiaid nodedig fel hyn yn cael ei arddangos er budd ymwelwyr pan fydd y Glynn Vivian yn ailagor i’r cyhoedd ddydd Sadwrn 15 Hydref.
“Bydd y paentiadau hyn ynghyd ag arddangosiadau a gweithiau eraill gan artistiaid cyfoes mewn lleoliad sydd wedi’i ailddatblygu a’i adfer yn ysbrydoli, yn cyfareddu ac yn addysgu cannoedd ar filoedd o bobl dros y blynyddoedd sydd i ddod.”
Leonardo da Vinci: Bydd deg llun o’r Casgliad Brenhinol, hefyd yn cael eu harddangos yn y Glynn Vivian o 15 Hydref.
Mae nodweddion yr oriel sydd wedi’i hailddatblygu a’i hadfer yn cynnwys storfa gasgliadau newydd ar gyfer gwaith celf ac ardaloedd newydd ar gyfer darlithio, arddangosfeydd teithiol, ymchwil ac arddangosiadau’r casgliad.
Ariannwyd y prosiect ailddatblygu ac adfer gwerth miliynau o bunnoedd yn y Glynn Vivian gan Gyngor Celfyddydau Cymru, Cyngor Abertawe, Llywodraeth Cymru a Chronfa Dreftadaeth y Loteri. Sicrhawyd arian hefyd trwy gynllun grant y Rhaglen Gwella Adeiladau sy’n cael ei gynnal gan Gyngor Abertawe a’i ariannu gan Gronfa Datblygu Rhanbarthol Ewrop.
Meddai’r Cyng. Robert Francis-Davies, Aelod Cabinet Cyngor Abertawe dros Fenter, Datblygu ac Adfywio, “Mae’n wych y bydd gwaith gan artistiaid nodedig fel hyn yn cael ei arddangos er budd ymwelwyr pan fydd y Glynn Vivian yn ailagor i’r cyhoedd ddydd Sadwrn 15 Hydref.
“Bydd y paentiadau hyn ynghyd ag arddangosiadau a gweithiau eraill gan artistiaid cyfoes mewn lleoliad sydd wedi’i ailddatblygu a’i adfer yn ysbrydoli, yn cyfareddu ac yn addysgu cannoedd ar filoedd o bobl dros y blynyddoedd sydd i ddod.”
Leonardo da Vinci: Bydd deg llun o’r Casgliad Brenhinol, hefyd yn cael eu harddangos yn y Glynn Vivian o 15 Hydref.
Mae nodweddion yr oriel sydd wedi’i hailddatblygu a’i hadfer yn cynnwys storfa gasgliadau newydd ar gyfer gwaith celf ac ardaloedd newydd ar gyfer darlithio, arddangosfeydd teithiol, ymchwil ac arddangosiadau’r casgliad.
Gallwch ddarllen yr erthygl yma try cyfrwng: English