Bydd y polisi preifatrwydd hwn yn eich helpu i ddeall pa wybodaeth bersonol mae Joio Bae Abertawe’n ei chasglu gennych er mwyn rhoi gwybodaeth i chi am ddigwyddiadau a gweithgareddau a gynhelir yn yr ardal, sut rydym yn storio ac yn defnyddio’r wybodaeth hon, a’r dewisiadau sydd gennych pan rydych wedi rhoi eich gwybodaeth bersonol i ni.
Pwy ydym ni
Tîm Gwasanaethau Diwylliannol Dinas a Sir Abertawe sy’n berchen ar joiobaeabertawe.com ac yn ei rheoli. Y Tîm Gwasanaethau Diwylliannol yw darparwr swyddogol gwybodaeth am ddigwyddiadau ar gyfer Bae Abertawe (Abertawe, y Mwmbwls a Gŵyr).
At ddibenion Rheoliad Diogelu Data Cyffredinol 2016, Cyngor Abertawe yw’r rheolwr data ar gyfer yr wybodaeth bersonol rydych chi’n ei darparu ar y wefan hon. Gallwch weld polisi preifatrwydd llawn y cyngor, gan gynnwys manylion cyswllt, yn www.abertawe.gov.uk/hysbysiadpreifatrwydd
Gallwch hefyd gysylltu â Joio Bae Abertawe yn y cyfeiriad canlynol:
Gwasanaethau Diwylliannol
Dinas a Sir Abertawe
Ystafell 153
Neuadd y Ddinas
Abertawe
SA1 4PE
01792 635214
Sut rydym yn defnyddio’r manylion personol rydych yn eu rhoi i ni
Ffynhonnell yr holl ddata personol sydd gennym yw’r wybodaeth a ddarperir gennych chi ar ôl i chi benderfynu derbyn gwybodaeth.
Mae cyfraith diogelu data’n disgrifio’r sail gyfreithiol ar gyfer prosesu’ch data fel caniatâd.
E-bost
Rydym yn defnyddio system e-bostio Mailchimp i roi’r newyddion diweddaraf i chi am ddigwyddiadau, cynigion arbennig neu weithgareddau sydd efallai o ddiddordeb i chi. Cesglir y data personol hwn pan fyddwch yn rhoi caniatâd eich bod am gael yr wybodaeth ddiweddaraf am ymweld â’r ardal.
Er mwyn gwneud hyn rydym yn casglu’ch cyfeiriad e-bost, ac os hoffech ei ddarparu, eich enw, yn ogystal â’r math o wybodaeth yr hoffech chi ei derbyn drwy e-bost.
 phwy rydym yn rhannu eich gwybodaeth
Rydym yn defnyddio picsel Facebook ar ein gwefan os ydych wedi cytuno i hyn. Mae hyn yn helpu i optimeiddio hysbysebion yn seiliedig ar ddata a gasglwyd er mwyn dangos unrhyw hysbysebion i chi sydd efallai o ddiddordeb i chi. Gallwch ddatdanysgrifio yma neu newid eich dewisiadau cwcis yn eich porwr.
Gan ddefnyddio data a gesglir gan joiobaeabertawe.com, efallai caiff cynulleidfaoedd a dargedir at ddibenion hysbysebu eu creu ar lwyfannau trydydd parti, gan gynnwys (ond heb fod yn gyfyngedig i) Facebook, Twitter a Google. Rydym yn mesur gweithgareddau yn ôl nifer y gweithredoedd a gwblhawyd ac nid ydym yn gwneud unrhyw ymdrech i ddefnyddio unrhyw ddata sy’n galluogi adnabod unigolion er mwyn nodi gweithredoedd unigolion.
Am ba hyd rydym yn cadw eich data
Rydym yn cadw’ch data am 24 mis ar y mwyaf neu tan i chi benderfynu datdanysgrifio o dderbyn ein deunydd marchnata.
Sut a phryd rydym yn cysylltu â chi
Os ydych wedi dewis derbyn e-byst, byddwn yn cysylltu â chi’n ysbeidiol i roi gwybodaeth a newyddion i chi am ddigwyddiadau a gweithgareddau ym Mae Abertawe a’r ardal gyfagos.
Sut i ddatdanysgrifio
Gallwch ddewis tynnu’ch caniatâd yn ôl ar unrhyw adeg trwy newid eich dewisiadau neu drwy ddatdanysgrifio trwy unrhyw un o’r e-byst rydym yn eu hanfon, ar wefan Joio Bae Abertawe neu drwy gysylltu â ni gan ddefnyddio’r manylion uchod.
Eich hawliau preifatrwydd
Mae eich gwybodaeth wedi’i storio’n ddiogel gan Gyngor Abertawe at y dibenion a ddisgrifir uchod.
Ni fyddwn yn rhannu’ch data ag unrhyw drydydd parti heb eich caniatâd clir oni bai fod gofyn i ni neu y caniateir i wneud hynny yn ôl y gyfraith, heblaw am achlysuron lle’r ydych wedi cyflwyno ymholiad drwy dudalen restrau busnesau fel a ddisgrifir uchod.
Mae gennych yr hawl i ofyn i ni am gopi llawn o unrhyw wybodaeth bersonol sydd gennym amdanoch, ac mae’n rhaid i ni ddarparu hyn o fewn mis calendr ac am ddim.
Os ydych chi’n credu bod yr wybodaeth bersonol sydd gennym yn anghywir, er enghraifft os yw’ch manylion cyswllt wedi newid, mae gennych chi’r hawl i fynnu bod unrhyw ddata anghywir sydd gennym amdanoch yn cael ei gywiro heb oedi.
Os ydych chi’n credu ein bod yn cadw’ch data personol am gyfnod sy’n hwy na’r cyfnod cadw, mae gennych chi’r hawl i ofyn am ei ddileu heb oedi. Mae gennych chi’r hawl hefyd i ofyn i ni ddileu’r holl ddata personol sydd gennym amdanoch o fewn terfyn amser rhesymol.